Egungo Estatutuek jasotzen duten bezala, AVAIMek hurrengo helburuak ditu:

• Ahalik eta modurik zehatzenean eta osoenean gure Erkidegoan haurren abandonuaren eta tratu txarren arazoari buruzko egoera eta larritasuna ezagutzea.
• Gaiarekiko sentsibilizazio soziala eta profesionala areagotzea.
• Dagoen arazoaren larritasunaren eta aurre egiteko erabiltzen diren baliabideen artean oreka eta harreman egokia lortzen saiatzea.
• Herri-administrazioa, arazo honi aurre egiteko arduraduna, kasu zehatza konpondu eta prebenitzeko orduan, jarduera-ildo egokienak (haurren ongizatearen ikuspegitik) gara ditzan lortzea.
• Adituen eta, oro har, gizartearen artean PREBENTZIO ZEREGINAREN garrantzia eta lehentasuna onartzea, bai arrisku-egoeren ikuspegitik, bai orokorrean bizi-baldintzak hobetzearen ikuspuntutik..
• Haurrak defendatzera bideratutako ahaleginak sustatu eta koordinatzea, tratu txarrak jasan dituzten haurren gainean zuzeneko jarduerarik gabe.

Helburuak lortzeko, aldez aurretik legezko baldintzak bete beharko lirateke ondorengo jarduera-lerroen bitartez:

• Ogibide bakoitzaren ikuspegitik gaiari buruz ideiak, esperientziak eta ezagutzak alderatzea.
• Elkarteko kide guztiek gaiari buruz barneko prestakuntza-planei ekitea.
• Arazoari buruz elkarteko kideek lor dezaketen informazio guztia jasotzea: kasuen kopurua, motak eta larritasuna, jasotzen duten tratamendua, kasu berriak agertzeko arrisku-egoerak, etab.
• Tratu txarrak jasan dituzten haurrei eta arrisku-egoeran daudenei buruzko azterlanak eta ikerketak sortu, sustatu eta koordinatzea.
• Gure Erkidegoan arazoaren ezaugarriak eta dimentsioak, baita konponbidean izan daitezkeen urritasunak ere salatu eta jakinaraztea.
• Prebentzioaren eta tratamenduaren mailan etengabe konponbide eraginkorrak eskatzea.
• Gizartearen eta komunitatearen esku-hartzearen eremuan lanean diharduten beste talde batzuekin harremanetan jartzea, arazoarekin zuzeneko edo zeharkako harremana badute.
• Arazoarekiko jada antolatuak dauden taldeen sentsibilizazioan parte hartzea.
• Gizarte Zerbitzuen eta Haurtzaroaren Arloko teknikariak, adituak eta politikariak eta, oro har, jendea sentsibilizatzen laguntzea eta hori sustatzea.
• Gaiaren prestakuntzan adituak eta aldeak informatu eta aholkatzea.
• Gaiari buruz arduratzen diren erakundeei aholkatzea.
• Haurren abandonu eta tratu txarrei buruzko informazio erabilgarri guztia jaso eta antolatzea: bibliografia, programak, etab.
• Antzeko ezaugarriak dituzten nazioko eta nazioarteko elkarteekin harremanetan jartzea.